கோடைக்கு ஏற்ற உடைகள்!

கோடைக்கு ஏற்ற உடைகள்!

தனலெட்சுமி

 

கோடைகாலம் வந்து விட்டாலே கடுமையான வெயில். அதிகமான உஷ்ணம். அதனால் கோடை காலத்துக்கு தக்கபடி நீங்கள் உடைகளை தேர்ந்தெடுத்து உடுத்திக் கொண்டால் சவுகரியமாக இருக்கும். அதிக உஷ்ணமும் இருக்காது.

கோடை காலத்தில் உடலில் உள்ள தட்பவெப்ப நிலையை உடைகளால் சமன்படுத்திக் கொள்ள முடியும். உடைகளின் நிறம், அதன் மூலப் பொருள் இரண்டும் குறிப்பிடத்தக்கவை ஆகும்.
இளம் நிறத்திலான உடைகளே கோடை காலத்திற்கு ஏற்றது. கறுப்பு நிற உடை உஷ்ணத்தை அதிகப்படுத்தும். அதேநேரம் இளநிற உடைகள் உஷ்ணத்தை உடலில் இருந்து அப்புறப்படுத்தும். கோடைக்கு மிகவும் ஏற்றது வெள்ளை நிற உடைகள்தான்.
பாலிஸ்டர், ஷிபான் உடைகளை கோடை காலத்தில் உடுத்திக் கொள்ளாமல் இருப்பது மிக நல்லது. மென்மையான பருத்தி ஆடைகளை அணிந்தால், உடலில் உள்ள உஷ்ணம் ஓரளவு அகலும்.