பாஸந்தி

பாஸந்தி

தீபாவளி நெருங்கிருச்சு.. ஸ்வீட் செய்ய ஆரம்பிச்சுட்டீங்களா....? என்ன என்ன செய்யலாம்னு ஒரு லிஸ்டே தயார் பண்ணிட்டீங்களா... பால் ஸ்வீட்டோட மங்களகரமா ஆரம்பிங்க. செய்வது எளிது. ஆனா பொறுமை கண்டிப்பா தேவை. சும்மா ஜில்லுனு பாசந்தி செஞ்சு சூப்பரா அசத்துங்க!
தேவையான பொருட்கள்:
பால் - 1 லிட்டர்
வெல்லம் (பொடித்தது) - 50 கிராம்
கேசரிப்பவுடர் - ஒரு சிட்டிகை
செய்முறை:
* பாலை ஒரு கனமான பாத்திரத்தில் சூடு செய்யவும்.
* கொதி வந்த பிறகு, மிக லேசான சூட்டில் சிறிது நேரம் வைக்கவும்.
* பாலில் இருந்து, ஆடையானது (க்ரீம்) தனியாக பிரிந்து மேலே மிதக்கும்.
* வேறொரு பாத்திரத்தில் இந்த க்ரீமை எடுத்து வைக்கவும். பால் எல்லாம் இவ்வாறாக மாறும் வரை இதனை தொடர்ந்து செய்யவும்.
* பொடித்த வெல்லம் மற்றும் கேசரிப்பவுடரை போட்டு கலக்கவும்.
* குளிர்சாதனப் பெட்டியில் வைத்து குளிர்ந்த பிறகு எடுத்துப் பரிமாறவும்.
* பாலை சிறு தீயில் வைத்து சமைக்கவும்